Niveli i ndotjes së ajrit ndikon në vdekshmërinë e COVID-19.
Një studim i fundit tregon se edhe një rritje e vogël dhe e vetme në njësitë e ndotjes së grimcave në vitet para pandemisë shoqërohet me një rritje 15% të shkallës së vdekjes. Hulumtimi, i bërë në SHBA, llogarit se ajri pak më i pastër në Manhattan në të kaluarën mund të kishte shpëtuar qindra jetë sot.
Duke pasur parasysh ndryshimet e mëdha në nivelin e ndotjes së ajrit në të gjithë vendet, hulumtimi sugjeron që njerëzit në zonat e ndotura kanë shumë më shumë gjasa të vdesin nga koronavirusi sesa ata që jetojnë në zona më të pastra. Shkencëtarët thanë se ajri i ndotur tashmë ishte i njohur për rritjen e rrezikut të sindromës akute të bllokimit të frymëmarrjes, e cila është jashtëzakonisht vdekjeprurëse dhe një shkak i vdekjeve të lidhura me Covid-19, si dhe probleme të tjera të frymëmarrjes dhe zemrës.
Një raport nga shkencëtarët në Itali vëren se niveli i lartë i vdekjeve që shihen në veri të vendit lidhen me nivelet më të larta të ndotjes së ajrit.
Shkencëtarët thanë se gjetjet e tyre mund të përdoren për të siguruar që zonat me nivele të larta të ndotjes së ajrit të marrin masa paraprake shtesë për të ngadalësuar përhapjen e virusit dhe për të vendosur burime shtesë për t’u marrë me shpërthimin. Ndotja e ajrit tashmë ka rënë për shkak të masave izoluese, por shkencëtarët thanë se përmirësimi i cilësisë së ajrit në të ardhmen do të ndihmonte në zvogëlimin e vdekjeve nga Covid-19. /Opinion.al
