Një studim i kryer pranë qendrës universitare mjekësore “Hackensack” në Nju Xhersi ka marrë sjelljet seksuale të 587 grave të moshës 18-95 vjeçe. Sipas këtij studimi ka rezultuar se femrat që vuajnë probleme të orgazmës janë ato që i përkasin një moshë më të re. Femrat më të reja në moshë paraqesnin në 54% të rasteve vështirësi në arritjen e orgazmës, ndërkohë që kjo shifët arrin në 45% tek femrës e moshës 31/45 vjeçe. Cilat janë arsyet? Kërkimet janë ende në proces, por mund të jenë edhe ndryshimet e paimagjinueshme që pëson trupi i një femre gjatë gjithë fazave të jetës.
Sipas të dhënave të mbledhura mosha 40-vjeçare shënon një moment të veçantë në jetën seksuale të një gruaje. Zhduket droja dhe tabutë dhe rritet argëtimi në shtrat. Studimet tregojnë se në moshën 40- vjeçare gratë i japin më pak rëndësi anës fizike, që dikur e shikonin si problem.
Mungesa e përvojës tek 20 vjeçaret shëndërrohet në siguri që vjen në moshën 40 vjeçe, aftësi për të njohur trupin e madje edhe për të qeshur me defektet.
