TIRANE- Vajza që shihni në foto është vetëdorëzuar në polici, pasi është dënuar në mungesë me 1.5 vite burg për gjobvënie dhe kanosje.
Policia bën të ditur se 21 vjeçarja, Desilvja Menaj, studente në Fakultetin Ekonomik, është dënuar nga Gjykata e Apelit për Krime të Rënda, me 1 vit e 4 muaj burg, me akuzën “shtrëngim me anë të kanosjes ose dhunës për dhënie pasurie”.
Ngjarja për të cilën ajo akuzohet, ka ndodhur në nëntor të vitit 2014,
në Vlorë, kur ajo dyshohet se i ka vënë gjobë me anë të mesazheve në
celular, të dashurit të saj.
Burimet thanë se i dashuri i të dyshuarës, shtetasi me iniciale E.C., i
cili njihet si biznesmen në Vlorë, ka denoncuar ngjarjen në fund të
muajit nëntor të vitit 2014.
Mesazhet flisnin qartë, pasi ajo i kërkonte shtetasit E.C. 15 mijë euro,
në mënyrë që ajo të mos e bënte publike lidhjen intime mes tyre.
