TIRANE- Një studente nga Saranda që studionte në Tiranë është gjetur e pajetë në banesën ku rrinte me qira. Vajza e re vuante nga anemia dhe sëmundja dyshohet të jetë shkaku i vdekjes.
Sipas njoftimit të policisë, studentja 19-vjeçare, e identifikuar si Mersina Hido ka humbur jetën për shkaqe natyrale.
Njoftimi i policisë
“Më datë 22.04.2016, ora 01:00, në rrugën “Osman Myderizi”, në banesë, ka vdekur shtetasja Mersina H., e 19 vjeçe banuese në Sarandë, me arsim të lartë në vazhdim (studente).
Nga veprimet e kryera rezultoi se shkaku i vdekjes është natyral, pasi vuante nge anemia. Kufoma u dërgua në Morgun e IML, për veprime të mëtejshme. Materialet i kaluan Prokurorisë Rrethit Gjyqësor Tiranë”, thuhet në njoftimin e policisë së Tiranës.
