Dhjetëra studentë të Fakultetit të Inxhinierisë së Ndërtimit & Arkitekturës dhe Urbanistikës janë në protestë. Shkak për këtë janë tarifat e vendosura nga shteti. Sipas tyre përpos tarifës aktuale vjetore, tashmë studentet duhet të paguajnë minimalisht 60.000 lekë të vjetra për cdo provim të mbartur.
Pasi kanë bojkotuar mësimin, studentët teksa qëndrojnë para godinës së këtij fakulteti, kanë kërkuar heqjen e tarifës prej 670 lekë për kredit për çdo provim të mbartur. Po ashtu ata kanë kërkuar që pagesa e tarifës së shkollës të kryet në muajin janar, ashtu si çdo vit tjetër dhe jo në muajin dhjetor.
Kjo nuk është hera e parë që studentët protestojnë kundër Ligjit për Arsimin e Lartë, apo dhe tarifave të larta të shkollimit.
