Studentët e mjekësisë kanë reaguar ditën e sotme në lidhje me punësimin e detyruar në Shqipëri.
Qeveria shqiptare propozoi dy ditë më parë reduktimin e afatit të punës së detyruar për studentët e mjekësisë
Por projektligji i hedhur për konsultim është kundërshtuar edhe një herë nga të rinjtë.
Në një deklaratë për median, studentët thanë se ndihen të injoruar që ministria nuk i ka ftuar për konsultime, ndërsa paralajmëruan protesta dhe ndjekjen e çështjes në Strasburg.
Sipas tyre zgjidhje për ndalimin e emigrimit nuk është krijimi i vendit të punës, por investimi në këtë sektor.
“Protesta e studentëve të Mjekësisë nuk ishte për reduktimin e viteve të punës së detyruar ishte sepse ne ishim kundër idesë së ligjit në tërësi. Kur studentët e Mjekësisë ishin kaq të rëndësishme për Shqipërinë, pse ministritë përkatëse nuk i ftuan për diskutim studentët. Mbajtja peng e diplomës dhe puna e detyruar nuk janë mënyra ideale të mbash mjeket në Shqipëri. Ka mënyra shumë herë më natyrale që janë investimi në sektorin shëndetësore të cilat nuk lënë vend për punë të detyruar por të dëshiruar. Jemi drejt përfundimit të një drafti ligjor ta çojmë çështjen ën gjykata ndërkombëtare,” u shpreh një nga studentët.
