Ajo zuri vendin e dytë në Eurovision dhe kënga e saj është një nga më të dëgjuara. Eleni Foureira, këngëtarja me origjinë shqiptare që përfaqësoi Qipron, mesa duket nuk e ka pasur të lehtë të përballojë stresin për një koncert të tillë.
Në një intervistë për mediat greke, ajo zbulon se për 10 ditë humbi 3 kilogramë.
“Përveç këngës, unë edhe kërceja prandaj nuk duhet të haja asgjë 5 orë përpara provave. Brenda 10 ditëve kam humbur 3 kilogramë. Ushqimi im kryesor ishte vakti i mëngjesit dhe omeleta e mrekullueshme e hotelit. Isha në skenë nga ora 08:00 e mëngjesit deri në orën 12 të darkës”, thotë këngëtarja.
Në intervistat e mëparshme, përveç lodhjes gjatë provave, Eleni ka folur edhe për kritikat që i vinin nga Greqia për faktin e vetëm se është shqiptare. Ajo tregoi se sulmet personale e kishin bërë të ndihej keq dhe ishte mbyllur në dhomë për disa orë duke qarë. /tvklan.al
