Stresi nuk ka marrëdhënie të mira me dy reperat e tjerë, Mc Kresha dhe Lyrical Son.
Këngëtari shqiptar ka deklaruar edhe publikisht se nuk do të bëjë kurrë një bashkëpunim me reperat e labelit ‘Pint’.
Por pak kohë më parë, Stresi u shfaq në një koncert të Mc Kreshës dhe Lyrical Son. Kjo ngriti dyshime për një pajtim të mundshëm mes tyre. Por në fakt duket se e vërteta është ndryshe. Në një intervistë për ‘Seven Bizz’, Stresi ka treguar se është gjendur fare rastësisht në ‘club’-in në të cilin performonin dy reperët e tjerë.
Gjithsesi edhe në momentin që e ka kuptuar se ishin Lyrical Son dhe Mc Kresha , Stresi nuk është revoltuar. Ai përkundrazi ka kërcyer me këngët e tyre.
“Ata kënduan dhe unë kërceva me këngët e tyre. Realiteti shqiptar është i keq ti mund ta kesh rival, por nëse një reper i ka këngët hit i ka dhe kaq. Nuk duhet t’i kritikosh njerëzit. Ka shumë repera që janë pa karakter, por kanë këngë të mira”, – ka thënë ai.
Gjithashtu Stresi ka thënë për të disatën herë se reperat në Shqipëri janë shumë fals dhe ka ngelur vetëm një pjesë shumë e vogël që janë 100% të vërtetë.
