Deputeti Gent Strazimiri ishte i drejtpërdrejtë, kur tregoi se cili duhet te ishte vendi i Agron Xhafajt, nëse prokuroria do të ishte e pavarur.
Strazimri tha se Agron Xhafaj duhet të ishte sot në burgun 313 dhe jo të trajtohej nga prokuroria si qytetar korrekt me ligjin!
Strazimiri e bëri deklaratën, pasi u pyet nga gazetarja Ilva Tare për përgjimin e vëllait të Ministrit të Brendshëm.
Sipas Strazimirit ligji nuk vepron mbi Agron Xhafajn për shkak të Fatmir Xhafajt, që pengon zbatimin e ligjit për arrestimin e vëllait dhe hetimin e pasurive të të dyve nga ligji Antimafia.
Gazetarja Ilva Tare e pyeti deputetin Strazimiri për vërtetësinë e përgjimit, në kushtet kur maxhoranca ka hedhur dyshime.
Strazimiri ftoi gazetaren dhe të gjitha mediat të bëjnë 2 vërifikime të thjeshta – të identifikojnë, nëse numri i telefonit me të cilin bisedon trafikanti është i Agron Xhafajt dhe të intervistojnë Agron Xhafajn për t’i identifikiar zërin.
