Sekretari i Përgjithshëm i NATO-s, Jens Stoltenberg mirëpriti sot kryeministren e Estonisë, Kaja Kallas për të biseduar e për përgatitjen e Samitit të Vilniusit.
Stoltenberg ka thënë se ndër temat e këtij takimi ishte edhe situata në Kosovës. Ai u bëri sërish thirrje Kosovës e Serbisë për shtensionim të situatës në veri.
Sekretari i Përgjithshëm foli për rëndësinë e misionit të KFOR-it të NATO-s në Kosovë, i cili vazhdon të përmbushë mandatin e OKB-së në mënyrë të paanshme.
“Ne u bëjmë thirrje të dyja palëve që të përmbahen nga çdo gjë që mund të përshkallëzojë më tej tensionet dhe të kthehen menjëherë në dialogun e ndërmjetësuar nga BE-ja, që është e vetmja rrugë”, tha ai./Opinion.al
