Pasi u komentuan në rrjetet sociale dhe në media, për sherrin mes tyre, kantautorët Flori Mumajesi dhe Stine duket se kanë bërë një pakt të fshehur mes tyre për të mos e zgjatur më debatin e tyre. Në fillim u përfol se çështja do të shkonte në gjyq, por burime për Opinion.al tregojnë se e këngëtarët e kanë mbyllur mes tyre këtë çështje, duke mos dashur ta bëjnë situatën më të madhe. Kanë qenë njerëz të afërm të dy këngëtarëve ata që janë takuar dhe i kanë lenë gjërat të rrjedhin paqësisht mes tyre, duke lenë kështu pas krahëve incidetin e 5 dhjetorit në Pallatin e Kongreseve. E në fakt kishte si të ndodhte ndryshe, pasi të dy nuk e kanë kërkuar asnjëherë famën me skandale dhe dhunë,por janë bërë të njohur në sajë të punës dhe këngëve të tyre ndër vite.
Historia
Të dy kantautorët Flori Mumajesi dhe Ernest Duka riktheheshin pas shumë vitesh në Kënga Magjike. Stine i kishte munguar këtij festivali për afro tre vjet ndërsa Flori për plot 6 vjet. Ishte Stine ai që u prezantua i pari me këngën “Çifti simpatik” dhe dy javë më pas Flori me baladën “Me fjalë të vogla”. Të dyja këngët ‘goditën’ menjëherë në publik, ashtu sikundër luftuan edhe fuqishëm për klikime në rrjetet sociale. Mumajesi e kaloi Stinen me klikueshmëri dhe kënga e tij fitoi çmimin e internetit në natën finale të KM, ndërsa Stine u nderua me çmimin e diskografisë. Aktualisht kwnga “Çifti simpatiK” wshtw kwnga mw e klikuar e Kwnga Magjike.
Sherri
Gjithçka shkoi për mrekulli deri në momentin kur u bë publik edhe votimi i këngëtarëve. Stine i kishte dhënë Florit 26 pikë ndërkohë që Flori i dha dy pikë këtij të fundit. Në përfundim të Kënga Magjike, kantatutori Stine i afrohet Mumajesit dhe i thotë se kënga e tij nuk vlente dy pikë, ndërkohë që Mumajesi i përgjigjet se 2 pikë vlente ai dhe jo kënga. Kjo ka bërë që të dy djemtë të fjalosen e më pas të goditen me njëri-tjetrin, por për fat të mirë tani çdo gjë është sqaruar.
