Mbrëmjen e sotme në orën 21:00 rifillon emisioni “Opinion” i gazetarit Blendi Fevziu. Edhe këtë sezon emisioni do të vijë për teleshikuesit katër herë në javë. Të hënën, të martën dhe të mërkurën në orën 22:15 ndërsa të enjten në orën 21:00.
Mbrëmja e sotme do të trajtojë një prej temave më të nxehta të verës që lamë pas. Krimet e kryera nga personat të cilët kanë probeme mendore. Rastet kanë qenë nga më të bujshmet dhe kanë shokuar opinion-in publik.
E kujt është përgjesia për këto vrasje dhe si mund të parandalohen ato? Kjo është pyetja e cila do të debatohet më së shumti në panelin e mbremjes së sotme. Sigurisht edhe ju mund të jeni aktiv duke na shkruar mendimin tuaj apo duke votuar në sondazhin i cili do të shfaqet në orën 21:00 ne opinion.al. Stafi i emisionit është duke punuar për disa ngjarje të tjera të bujshme të aktualitetit të cilat do të trajtohen në javët në vijim.
Ky që sapo nis është sezoni i 20-të i emisionit “Opinion” i cili ka startuar më 31 gusht të vitit 1997-të. Studio e emisionit mbetet një derë e hapur për të gjithë mendimet ndryshe dhe mbi të gjitha për debatet e forta të ditës. Politika do të zërë gjithashtu hapësirën e saj si zakonisht me debatuesit më të fortë e politikanë sfidues. “Opinion” është një nga pragramet me audiencën më të të lartë dhe me një vemendje absolute për deklaratat e bëra aty./opinion.al/
