Bolivia është një prej skuadrave më të vështira në Amerikën Latine dhe arsyeja është e thjeshtë. Përfaqësuesja i zhvillon ndeshjet në stadiumin “El Alto”, që përkthehet në shqip “I larti”, i cili është pozicionuar në 4,150 metër mbi nivelin e detit.
Lartësia ndikon në mungesën e oksigjenit dhe kjo bën që kushtet për zhvillimin e ndeshjeve të jenë tejet të vështira.
Në imazhet e ndeshjes së fundit kualifikuese ndërmjet Bolivisë dhe Uruguai-t shfaqet futbollisti i miqve, Hoze Maria Himenez që gjatë lojës detyrohet të përdorë një shishe me oksigjen, për tu mbushur me frymë.
Edhe pse luan te Atletiko e Madrid dhe në nivelet më të larta, kapiteni i uruguaianëve u shfaq në vështirësi të mëdha.
