Një 18-vjeçare e famshme në “snowboard”, Ellie Soutter është gjetur sot e vdekur në pyllin francez. Ellie festonte sot ditëlindjen e 18. Burimet kanë konfirmuar për Sun Online se Ellie ka kryer vetëvrasje. Duke folur për MailOnline, xhaxhai i saj Jeremy Soutter tha se sportistja e famshme ishte përballur me presion nga konkurrenca për garën, por nuk kishte dhënë ndonjë shenjë se do të vetëvritej.
Familja ka shkuar sot në Alpet franceze, ku Ellie jetonte me babain e saj Tony Soutter, për t’u mbledhur për një përkujtim për adoleshenten, që fillimisht ishte planifikuar të ishte një festë ditëlindje.
Babai i Ellie, Tony, konfirmoi vdekjen tragjike të vajzës së tij, duke thënë: “Kjo botë mizore e mori nga unë të voglën time. Isha shumë krenar për të. Ellie do më mungoj më shumë sesa mund ta imagjinoni. U prehsh në paqe kampione”. /Dailyxing
