Njolla e përdorimit të dopingut nga sportistët rusë zgjerohet akoma më shumë. Gjithçka është në raportin e publikuar nga avokati kanadez Richard McLaren këtë të premte në Londër. Sipas realcionit të WADA-s janë më shumë se 1 mijë atletë prej vitit 2011 që janë të përfshirë në këtë skandal.
Mes tyre janë fitues medaljesh në Lojërat Olimpike Verore Londër 2012 dhe Lojërat Olimpike Dimërore Soçi 2014. Në total janë 30 disiplina. Emrat e tyre nuk janë bërë të ditur, por në këtë aferë është përfshirë edhe shërbimi sekret rus.
Ministria e Sporteve në Rusi reagoi me një komunikatë duke mohuar se kanë një program dopingu, por janë të hapur për çdo bashkëpunim dhe se do të analizojnë raportin.Për shkak të dopingut pati sportistë rusë të përjashtuar nga garat e Lojërave Olimpike Verore Rio 2016.
Tv Klan
