Kryetarja e Kuvendit, Elisa Spiropali do të marrë pjesë në samitin Ukrainë-Evropa Juglindore që do të zhvillohet në Odesa të Ukrainës.
Lajmin Spiropali e ka ndarë në një postim në rrjetet sociale, nga kufiri mes Moldavisë dhe Ukrainës. Rrugës për në samit, shkruan ajo, teksa ka postuar foton me ambasadorin e Shqipërisë në Ukrainë, Ernal Filo.
“Me ambasadorin tonë Ernal Filo, në kufirin Moldavi–Ukrainë, rrugës për në Samitin Ukrainë–Evropa Juglindore, që do të zhvillohet në Odesa”, shkruan Spiropali në rrjete sociale.
