Një ngjarje e rëndë ka ndodhur në Barcelonë, ku një 23-vjeçar shqiptar humbi jetën në rrethana të paimagjinueshme.
Shqiptari është identifikuar si shtetasi Klaudio Mirashi, i cili jetonte në Villorba të Treviso-s.
Sipas mediave italiane, i riu po udhëtonte me makinë kur një copë llamarinë u shkëput nga një kamion dhe e preu 23-vjeçarin në fyt.
Shqiptari po udhëtonte drejt aeroportit dhe kamioni ishte para tij, kur u shkëput pjesa metalike prej 25 centimetrash që çau mjetin e tij dhe e goditi atë me forcë.
23-vjeçari u dërgua me urgjencë në spital, kur për disa ditë qëndroi në koma e më pas ndërroi jetë. Trupi i tij i pajetë u transportua në Itali dhe këtë të shtunë iu dha lamtumira e fundit në Villorba, aty ku jetonte.
Ndërsa hetimet për ngjarjen tragjike po kryhen nga autoritetet spanjolle./Opinion.al
