Të paktën 64 persona kanë humbur jetën nga përmbytjet katastrofike në Spanjë. Autoritetet spanjolle druhen se ky numër mund të rritet akoma më shumë.
Valencia është zona që u godit më rëndë nga përmbytjet masive. 1000 ushtarë kanë dalë në terren, krahas forcave të emergjencave, për t’u ardhur në ndihmë qytetarëve.
Kryeministri spanjoll, Pedro Sanchez, në një adresim publik për kombin, tha se dhjetra fshatra dhe qytete janë përmbytur, ndërsa shumë rrugë e ura janë shkatërruar.
“Në emër të qeverisë dhe të popullit spanjoll, përcjell solidaritetin dhe ngushëllimet tona për familjet e atyre që humbën jetën në këtë tragjedi. Për të gjithë ata që po kërkojnë të zhdukurit, Spanja qan me ju, dhe është prioriteti ynë absolut për t’ju ndihmuar”, tha kryeministri Sanchez.
