Spanja po përballet nga temperature ekstremisht të larta. Termometri ka shënuar 45 gradë celsius, dhe kjo ka sjellë edhe 2 viktima.
Dy persona kanë humbur jetën si pasojë e infarkteve nga i nxehti i padurueshëm.
Dy provinca në rajonin perëndimor të Extremaduras kanë vendosur alarmin e kuq nisur nga i nxehti afrikan që ka pushtuar vendin.
Një prej këshillave që sugjerojnë ekspertët, është shmangia e të dalurave pas orës 9 të mëngjesit.
E shtuna dhe e diela do të jenë edhe më të nxehta shprehen meteorologët, që nënvizojnë se një valë e të nxehtit afrikan tashmë kaluar në pjesën jugore të Europës. Temperaturat e larta kanë përfshirë edhe Italinë, Francën, dhe Portugalinë.
