Spanja është vendi i dytë në Europë pas Italisë që është goditur më keq nga koronavirusi.
Sipas të dhënave të fundit vendi numëron 11,826 raste të konfirmuara dhe 533 viktima.
Kjo ka bërë që Spanja ti nënshtrohet masave izoluese për të frenuar përhapjen e mëtejshme të virusit, por kjo nga ana tjetër ka bërëqë mbi 100 mijë punëtorë të ndërpresin punën e tyre dhe mijëra biznese të vogla të mbyllin dyert.
Për ti bërë ballë kësaj situatë që mund të cojë në kolaps ekonomik, qeveria Spanjolle ka miratuar një paketë 200 miliardë euro për luftimin e efekteve negative të koronavirusit.
Këtë e njoftoi kryeministri i Spanjës, Pedro Sanchez.
“Nuk do të lëmë prapa askënd. Shteti do ta marrë përsipër luftimin e shokut ekonomik”, tha kryeministri Sancehz gjatë një deklarate për mediat. /Opinion.al
