Trajneri i Interit, Luciano Spalletti ka folur për sfidën e të shtunës në mbrëmje përballë Juventusit duke thënë se shpresojnë të marrin një fitore, në mënyrë që të arrijnë zonën Champions.
Trajneri italian tha se tifozeria duhet të bëjë tifo për Interin, jo kundër Juves, duke lënë të nënkuptohet se zikaltrit duan fitoren për të arritur objektivin dhe për ti prishur punë ‘bardhezinjëve’.
“Të shtunën na pret një ndeshje shumë e vështirë, ashtu siç do të jenë të gjithë takimet deri në fund të sezonit. Pres që tifozëria të bëjë tifo për Interin, pasi duam ta fitojmë këtë ndeshje, për të arritur objektivin tonë sezonal. Natyrisht që edhe Juventusi do të jetë shumë i karikuar, pasi skuadra të tilla nuk janë mësuar të humbin shpesh dhe do të kërkojnë menjëherë ringritjen. Gjithsesi këto janë ndeshje për lojtarë me personalitet dhe besoj se ne kemi mjaftueshëm personalitet e karakter për ta përballuar”, deklaroi Spalletti.
Ndërkohë italiani foli edhe për mardhëniet me Allegrin dhe Sarrin.
“Si Allegri, edhe Sarri janë miq të mitë dhe do t’i ftoja me kënaqësi në një darkë. Ata janë trajnerë prej të cilëve gjithmonë mëson diçka dhe këtë e dëshmon fakti që skuadrat e tyre po luajnë një kampionat të pabesueshëm, edhe tani në javën e fundit” ka shtuar më tej trajneri i Interit.
