Prokuroria e Posaçme Antikorrupsion nuk ka pranuar aktet e dosjes “184” mbi dyshimet për shit-blerjen e votës në Dibër. Këtë të hënë, SPAK ka vendosur që dosjen e hetimit mbi shitjen dhe blerjen e votave gjatë zgjedhjeve të pjesshme ne 2016 t’ia riktheje Prokurorisë së Dibrës.
Në 21 gusht 2019 ishin Krimet e Renda që shpallen moskompetencën për gjykimin e kësaj dosje duke ia rikthyer çështjen Prokurorisë se Dibrës. Tani, të njëjtën gjë e bën edhe SPAK. Për këtë ngjarje ka reaguar edhe Sekretari i Përgjitshëm i PD-së, Gazment Bardhi.
“Vendimi i hetuesit të komunzimit, Arben Kraja për të mos lejuar SPAK-un të hetojë Edi Ramën, Damian Gjiknurin, Pjerin Ndreun apo Ulsi Manjën për vjedhjen e zgjedhjeve në Dibër është vendim politik dhe kundër interesave të Shqipërisë. Hetimi i dosjeve ku janë përfshirë zyrtarë të lartë, siç është kryeministri dhe disa deputetë të PS është detyrë ekskluzive e SPAK-ut. Prokuroria e Posaçme u ngrit për t’i dhënë fund pandëshkueshmrisë së politikanëve dhe zyrtarëve të lartë, por akti i sotëm i shërbëtorit të Edi Ramës në krye të SPAK-ut godet çdo pritshmëri se Arben Kraja mund të sillej ndryshe nga Donika Prela, përsa kohë padroni i tyre është në krye të qeverisë. Duke ridërguar dosjen 184 në Dibër, drejtuesi i SPAK, praktikisht, ka varrosur hetimin e një krimi të dokumentuar zgjedhor, i cili është kusht i Bundestagut gjerman për hapjen e negociatave të anëtarësimit të Shqipërisë në Bashkimin Europian”, thotë Bardhi.
Në përgjimet e publikuara nga BILD të kësaj dosje, dëgjohen ish-ministri i brendshëm Saimir Tahiri, ish ministri i energjisë Damian Gjiknuri si dhe deputetë socialistë, që bisedojnë me policë, biznesmenë dhe persona të dyshuar për veprimtari të paligjshme në krahinën e Dibrës.
Ata urojnë njëri tjetrin për maksimalizimin e fitores së zgjedhjeve me presione dhe forma të ndryshme. Atyre u premtohet se do të promovohen në karrierë, sepse ndihmuan fuqishëm fitoren e thellë të PS-së./ Opinion.al
