SPAK i ka kërkuar autorizimin Kuvendit të Shqipërisë për të vendosur nën masën “Arrest shtëpie” ish-kryeministrin Sali Berisha.
SPAK ka dërguar në Kuvend një shkresë ku kërkon ndryshimin e masës së sigurisë për Berishën.
Aktualisht ish-kryeministri është nën masën “Detyrim paraqitjeje” dhe “ndalim për daljen jashtë vendit”, por SPAK kërkon rëndimin e masës në “Arrest në shtëpi”.
Kjo do të duhet të autorizohet nga Parlamenti, për shkak se konsiderohet masë shtrënguese.
Berisha ka refuzuar që të njohë vendimin e Gjykatës së Posaçme dhe nuk është paraqitur pranë oficerit të policisë gjyqësore për të vlerësuar masën “detyrim paraqitje”.
Ish-Kryeministri Sali Berisha akuzohet për korrupsion pasiv në lidhje me privatizimin e ish-kompleksit Partizani, çështje për të cilën është nën hetim dhe në masë sigurie “arrest shtëpie” dhëndri i tij Jamarbër Malltezi.
