SPAK ka dorëzuar kërkesën në Kuvendin e Shqipërisë për arrestimin e ish-zëvendëskryeministrit Arben Ahmetaj.
Pas kësaj kërkese, lëvizja e radhës i takon Kuvendit, për të mbledhur Këshillin e Mandateve për t’i hequr Ahmetajt mandatin e deputetit.
Këshilli, brenda 2 javëve harton një raport për në seancë plenare, në të cilin rekomandon rrëzimin ose miratimin e masës së sigurimit të arrestit në burg si dhe të kontrollit personal të banesës të Ahmetajt. Raporti u shpërndahet deputetëve.
Raporti i Këshillit nuk është objekt diskutimi. Kuvendi vendos me votim të hapur për dhënien ose mosdhënien e autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdo lloj forme, apo kontrollit personal dhe të banesës ndaj deputetit.
Ahmetaj, ka edhe të drejtën për të lënë vetë mandatin sikurse ndodhi në rastin e Alqi Bllakos,
Në orët në vijim do të shohim edhe se si do vijojë kjo çështje, ndërsa ende nuk ka një reagim nga Partia Socialiste për këtë çështje.
