Në seancën e sotme gjyqësore, ku SPAK dha pretëncën për të akuzuarit për Inceneratorin e Fierit, ka patur debate të ashpra.
Gazetarja Klodiana Lala raporton debati ka ndodhur pasi SPAK ashpërsoi akuzën ndaj ish-deputetit të PS Alqi Bllako, gjë që u kundërshtua nga avokatët e tij.
Më herët ai akuzohej për korrupsion të funksionarëve publike dhe shpërdorim detyre, ndërsa SPAK kërkoi dënimin për veprën penale të korrupsionit të funksionarëve të lartë shtetëror, duke kërkuar 7 vite burg dhe 5 vite heqje të drejte për ushtrimin e funksioneve publike.
Ndërkaq në një dalje për mediat avokati i Bllakos tha se akuza për korrupsion nuk është e bazuar te faktet, ndaj sipas tij duhet të rrëzohet.
“Ne gjithmonë e kemi deklaruar dhe para gjykatës se akuzat kanë qenë të padrejta dhe të pareferuara për aktet penale, por kanë qenë dyshime. Ne i qëndrojmë të njëjtës gjë, si në seancën paraprake. Gjykata duhet të mbajë qëndrim të thjeshtë. Për sa kohë prokuroria i qëndron të njëjtës akuzë, duhet të pushojë çështjen. Pra është vetëm akuza e shpërdorimit të detyrës. Ky është një qëndrim joligjor, jo në përputhje me kodin, por është jokushtetues. SPAK, vepron jo në përputhje me kodin e procedurës penale, por dëmton interesat e qytetarëve.”, tha ai.
