Mateo Spaho, Këshilltari i djathtë në Bashkinë e Tiranë, denoncoi në një deklaratë për mediat se vendi ynë renditet në vendin e 99-të përsa i përket korrupsionit duke e cilësuar situatën si më të rëndë se ajo e një vendi në luftë civile.
Sipas tij, shkak për situatën e vështirë të krijuar në vend, është rritja e taksave, që ka ulur ndjeshëm nivelin e investimeve.
“Taksat e larta, korrupsioni, pasiguria ligjore kanë bërë që Shqipëria gjithnjë e me pak të preferohët për investime të huaja, madje dhe ato që ishin po i drejtohen vendeve të rajonit. Në fund të 2015, prestigjozja e ekonomisë dhe biznesit, Forbes ka publikuar renditjen e vendeve përsa i përket klimës së biznesit. Ky raport vendos Shqipërinë të 69 pas Maqedonisë e 39ta, Malit të zi i 49ti, pas vet Ukrainës e 61ta, vënd i cili është përfshirë nga valët e trazirave të brendshme që rrezikojnë të shkaktojnë luftë civile, pra Shqipëria është më keq edhe se një vend që rrezikon luftën civile”, tha Spaho.
