Ka nisur me debate të ashpra seanca e sotme plenare në Kuvend për shkak të kohës së shpërndarë për mocionin me debat për Integrimin Europian. PD kërkoi më shumë kohë për të folur, gjë e cila u kundërshtua nga nënkryetarja e Kuvendit Ermonela Felaj.
Debatet dhe akuzat e ndërsjella për investimet kanë vijuar edhe gjatë pasdites. Në një nga këto debate u përfshi deputeti i PD, Edmond Spaho dhe Sekretari i Përgjithshëm i PS, Damian Gjiknuri.
Në replikën e bërë ndaj Gjiknurit, Spaho e ka akuzuar për vjedhje të votave dhe taksave të qytetarëve si dhe për korrupsion.
“Çudira me projekt është ky i Durrësit që nisi si projekt i madh dhe përfundoi në 12 mijë apartamente për ti shitur. Sa i përket ‘Non Gratës’, ka nisur Vangjush Non Grata duke i shitur, madje dhe demokrateve me 25%. Damiani njeh mirë spiunllëqet dhe vjedhjen e votave, Damiani është ç’i sheh syri, ia vjedh dora”,-tha Spaho.
