Kryeministri Edi Rama foli sot në një konferencë për mediat për sovranitetin energjetik të Shqipërisë brenda mandatit të katërt.
Rama tha se sovraniteti energjetik nuk përbën më një ëndërr, por është një plan i prekshëm.
Sipas tij, tashmë synimi i qeverisë është kthimi i vendit në eksportues neto brenda mandatit të katërt.
“Sovraniteti energjetik është që sikur bota të kthehet përmbysë, Shqipëria do ketë energjinë e vetë, për çdo ditë të vitit me ujë pa ujë, me shi pa shi. Nuk do varet nga askush dhe nuk do shkojë të blejë jashtë dhe do shesi jashtë dhe do e vendosë çmimin siç do vetë. Tani nuk është as ëndërr as vizion strategjik afatgjatë, por është horizont që duket me sy dhe përfshi kohën brenda mandatit tonë të katërt”,-u shpreh Rama.
