Ditën e sotme do të mbahet seanca plenare në Kuvendin e Shqipërisë, e cila pritet të nisë në orën 13:00.
Pavarësisht kundërshtive nga ana e opozitës, mazhoranca votoi për shtyrjen e kësaj seance, për shkak të mungesës së kryeparlamentares Elisa Spiropali e cila ndodhej në Odesa, në kuadër të samitit “Evropë Juglindore-Ukrainë”.
Pritet që të diskutohet Projektligji “Për performancën energjetike të ndërtesave”.
Po ashtu, parashikohet të miratohet procesverbali i seancës së fundit.
Kujtojmë se në seancën e 5 qershorit, që ishte e para me diskutime pas zgjedhjeve, pati debate të forta mes mazhorancës dhe opozitës.
