Në Gjykatën e Posaçme do të zhvillohet sot seanca për ashpërsimin e masës së sigurisë për ish-kryeministrin Sali Berisha, i cili është në hetim për çështjen Partizani. SPAK kërkon masën “arrest në shtëpi” për Berishën, me mbikqyrje policore, si edhe i ndalohet komunikimi me persona të tjerë përveç atyre që banojnë me të.
Seanca do të zhvillohet në orën 11:00, ndërsa ajo e ditës së djeshme u shty me kërkesë të avokatëve të Berishës, të cilët kërkuan kohë të njihen me provat. Ata po ashtu kërkuan përjashtimin e gjyqtares Irena Gjoka, me pretendimin se Berisha e ka larguar nga puna më 8 shkurt 1996.
Ndërkaq, sot opozita ka thirrur një protestë përpara Gjykatës së lartë, ku pritet të zhvillohet seanca për vulën e PD-së.
