Rreth 28 mijë nxënës-maturantë në të gjithë Shqipërinë, nisin sot provimin e parë të Maturës Shtetërore.
Lajmin e bëri të ditur Ministrja Ogerta Manastirliu, përmes një postimi në rrjete sociale ku shprehu urimet për maturantët që sot nisin këtë etapë të rëndësishme të jetës së tyre.
Provimi i parë që do të zhvillohet do të jetë ai i gjuhës së huaj, e më pas me gjuhën shqipe, letërsinë, matematikën dhe lëndët me zgjedhje.
“Sot është një ditë e rëndësishme për rreth 28 mijë nxënës-maturantë në të gjithë Shqipërinë, të cilët do të kryejnë Provimet e Maturës Shtetërore, duke filluar me gjuhën e huaj, gjuhën shqipe dhe letërsinë, matematikën dhe më pas me lëndët me zgjedhje. Ky moment shënon përfundimin e një etape dhe hapjen e kapitullit të ri në rrugëtimin tuaj drejt dijes dhe aftësimit tuaj të mëtejshëm,” u shpreh ministrja.
