Ditën e sotme do të mbahet në Tiranë samiti i Procesit të Berlinit. Për herë të parë në Shqipëri takohen ministrat e Punëve të Jashtme të Procesit të Berlinit.
Ky takim do të mbledhë bashkë Ministrat e Punëve të Jashtme të Ballkanit Perëndimor, shteteve të tjera pjesëmarrëse në Procesin e Berlinit, përfaqësuesit e BE-së, si dhe organizatat rajonale. Ndërkohë është zbardhur edhe axhenda e samitit.
AXHENDA:
9:00 –09:30 Mbërritja e krerëve të delegacionëve
9:30- 10:15 Hapja e Sesionit I
10:45 Sesioni II
12:20 Mbyllja e takimit
12:30 Konferencë e Përbashkët për Shtyp – *Ministri për Evropën dhe Punët e Jashtme, Igli Hasani, Ministrja për Punët e Jashtme të Republikës Federale të Gjermanisë, Annalena Baerbock dhe Komisioneri i BE për Fqinjësinë dhe Zgjerimin, Olivér Várhelyi (Media pool, për të gjitha mediat e akredituara.
Arritje kryesore të Procesit të Berlinit janë:
Krijimi i Zyrës Rajonale të Bashkëpunimit Rinor (RYCO),
Forumi i Investimeve i Dhomave të Ballkanit Perëndimor (ËBCIF)
Krijimi i Korridoreve të gjelbra brenda rajonit dhe korridoreve të gjelbra midis BP dhe vendeve të BE-së,
Marrëveshja Roaming (implementimi filloi me 1 korrik 2021)
Marrëveshja për uljen e tarifave roaming midis BP dhe BE-së (implementimi filloi më 1 tetor 2023)
Tre marrëveshjet e mobilitetit janë arritje të rëndësishme të bashkëpunimit rajonal në kuadër të procesit të Berlinit
