Sot Kuvendi pritet të nisi punimet për sesionin e ri parlamentar. Seanca e parë do të çelet pasdite në orën 17:00.
Pritet që demokratët do të pamundësojnë zhvillimin normal të Parlamentit, ashtu sikundër kanë vepruar seancat e shkuara të sesionit të kaluar. Pas mbledhjes së grupit parlamentar ditën e premte, demokratët bënë të ditur se nuk do të heqin dorë nga strategjia e përpjekjeve për bllokimin e seancave.
Ndërsa sot në seancë do të votohet dekreti i Presidentit për ndryshimet në qeveri.
Bëhet fjalë për dy ndryshime në kabinetin qeveritar që janë propozuar nga Kryeministri Rama gjatë javës së shkuar. Ai i Blendi Gonxhes që është emërua si ministër i Ekonomisë, Kulturës dhe Inovacionit duke shkarkuar kështu nga posti Elva Margaritin si ministre Kulture; dhe emërimi i Adea Pirdenit si ministre Shteti për Administratën Publike dhe Antikorrupsionin.
Muajt e fundit para mbylljes së sesionit parlamentar, salla e seancave plenare ka parë përpjekjet e opozitës për të penguar punimet me flakadanë, ndërsa nga ana tjetër mazhoranca që votonte ligje duke ngritur kartona pa zhvilluar debate.
