Sot, do t’i jepet lamtumira e fundit ikonës së muzikës shqiptare, Nexhmije Pagarushës.
Ylli i këngës do të prehet në fshatin e saj, në Pagarushë të Malishevës dhe sipas familjarëve, ka kërkuar që të përcillet përmes një ceremonie të qetë, vetëm me praninë e të afërmëve dhe miqve të ngushtë.
Ndërkaq në shenjë nderimi, sot, në të gjitha lokalet e Prishtinës do të vendoset në të njëjtën kohë muzika e legjendës së ndjerë.
“Artistët jetojnë për të krijuar dhe madhështia e veprave të tyre matet përmes rrezes që përçon arti që ata i dedikojnë jetën. Prandaj amshimi i artistëve nuk është vdekje, meqë krijimtaria ua siguron përjetësinë tokësore që mundësohet nga kultivimi i përhershëm i artit të tyre. Nexhmije Pagarusha është një krijuese e kësaj përmase dhe konsumimi i vazhdueshëm i artit të saj do t’ia sigurojë përjetësinë.
Diva origjinale e trevave tona nesër do dëgjohet, në sinkron, në të gjitha lokalet e Prishtinës, në të njëjtën kohë, për të prodhuar një kontrast që bashkëvepron. Zëri i saj do shkrijë mërzinë tonë dhe në anën tjetër do ta ngrijë kujtimin për të në mendjet tona!”- thuhet në njoftimin e Shoqatës së Gastronomëve të Prishtinës.
“Bilbili i Kosovës” është ndarë nga jeta në moshën 86-vjeçare, pasi vuante prej kohësh nga një sëmundje e rëndë.
Ajo la pas një krijmtari të çmuar me këngë si “Baresha,” “E dehun jam,” “Shota’ etj. që konsiderohen kryevepra të muzikës shqiptare. Ajo po ashtu ka interpretuar vepra të përkthyera në shqip të Bethovenit, Puçinit, Verdit.
Në vitin 2012, ajo mori titullin “Ndëri i Kombit” nga Presidenti Bujar Nishani. Ndërsa në vitin 2018, mori “Medaljen e Mirënjohjes” nga Presidenti Trump./Opinion.al
