Skuadra e Interit ka sot mundësinë e fundit për të blerë kartonin e Cancelos nga Valencia për shkak se sot deri në orën 23:59 është afati i fundit për të blerë kartonin e portugezit.
Joan Cancelo ka qenë një lojtar vendimtar përgjatë gjithë sezonit tek skuadra e Interit.
Ndërkohë skuadra zikaltër ka kërkuar uljen e çmimit nga Valencia, që për momentin është në 39 milionë euro.
“Ka një marrëveshje që përfundon më 31 maj dhe Inter ka kohë deri në orën 23:59 për të blerë lojtarin. Klubi e di shumë mirë se çfarë pozicioni kemi mbajtur ne për të. Ashtu siç nuk kemi kërkuar për ulje për Kondogbia, nuk kemi ndërmend të ulim pretendimet tona për Cancelo. Tani i mbetet Inter-it për të marrë vendimin.” shprehet drejtori i përgjithshëm i klubit spanjoll, Mateu Alemany.
Tani pritet deri në mbrëmje për të shikuar se çfarë lëvizje do të skuadra e Interit, por nëse zikaltrit nuk e blejnë, atëherë lojtari do të jetë i Valencias.
