Sot mblidhet Kuvendi, ja çështjet që do të diskutohen! PD mbledh grupin parlamentar, çfarë do të vendoset?

Pasditen e kësaj të hëne, ora 17:00 do të mblidhet Kuvendi i Shqipërisë për të zhvilluar seancën e radhës plenare. 

Në një njoftim zyrtar të Kuvendit të Shqipërisë është bërë publik edhe rendi i ditës. 

Në seancën e sotme do të diskutohen në seancën plenare: 

1. Miratimi i procesverbalit të seancës plenare të datës 17.10.2024. (Neni 44, pika 2, të Rregullores së Kuvendit)
2. Njoftime. (Neni 44, pika 3, të Rregullores së Kuvendit)
3. Diskutime për çështje të evidentuara nga zgjedhësit. (Neni 40/1, Rregullore e Kuvendit) Diskutime – jo më shumë se 4 orë.

Ndërsa Partia Demokratike do të mbledhë sot në orën 15:00 grupin parlamentar, ku do të merren vendimet mbi atë që do të ndodhë sot në seancë. 

Kujtojmë se gjatë këtij muaji PD ka zgjedhur të mos lejoj zhvillimin normal të seancave plenare. Për këtë arsye edhe sot mund të ketë tensione në parlament. 

Dhe nesër, më 29 tetot PD organizon protestë në rang ndërkombëtar, ku janë paralajmëruar bllokime rrugësh dhe mosbindje civile.