Ministrja e Shëndetësisë Ogerta Manastirliuaka bërë me dije ditën e sotme nga Elbasani se deri më tani janë mbi 185 mijë të moshuar të vaksinuar dhe më shumë se 260,000 vaksinime në total.
“Elbasani po ecën shumë mirë, janë mbi 22 mijë vaksinime, do të vijojmë me intensifikimin e vaksinimit në grupmoshën +60 deri 69, sigurisht duke filluar me fashën e moshës më të lartë. Ne në tëtërsi kemi kryer mbi 260 mijë vaksinime, prej tyre, 185 mijë të moshuar janë vaksinuar me dozën e parë”, tha Manastirliu.
Gjatë fjalës së saj Manastirliu ka kujtuar gjithashtu se sot do të mbërrijnë në Shqipëri seria e radhës e vaksinave Pfizer, teksa ka siguruar që procesi i vaskinimit do të vijojë me të njëjtat ritme.
“Dua që t’ju siguroj që ky proces do të vijojë me të njejtin ritëm. Do të vijojë shtrirja dhe shpërndarja e vaksinave në të gjithë vendin. Pra nuk do të ketë asnjë lloj vonese edhe në shpërndarjen e vaksinave që pritet që të vijnë. Aktualisht sot presim që të vijnë 7020 dozat të kontratës me Pfizer. Dhe do të vijojë vaksinimi në të gjithë vendin”, tha Manastirliu.
Manastirliu ka qenë ditën e sotme sëbashku me Kryeministri Rama teksa ka inspektuar vaksiniin tek të moshuarit./Opinion.al
