Ditën e sotme, rreth orës 12:00, do të mblidhet në Kryesine e Kuvendit, Këshilli i Mandateve. Në këtë mbledhje do të shqyrtohet kërkesa e Prokurorisë së Posaçme (SPAK), e cila kërkon dhënien e autorizimit për arrestimin e ish kryeministrit Sali Berisha.
Pritet që në këtë mbledhje të hiqet imuniteti i ish-kryeministrit, ndërsa Sali Berisha nuk e ka konfirmuar ende nëse do të ulet përballë tyre në mbledhjen e Këshillit të Mandateve.
Kujtojmë se Berisha ka thirrur protestë tek kryesia e Kuvendit në të njëjtën orë që Këshilli për Mandatet dhe Imunitetin do të mblidhet për të autorizuar arrestimin e tij.
Ka qenë kreu i grumit të PD, Gazmend Bardhi një nga ata që nuk e ka mbështetur idenë e protestave, por ai është një prej 30 deputetëve që i janë drejtuar Gjykatës Kushtetuese për të ndaluar arrestimin e Berishës.
Ish-kryeministri është nën hetim nga SPAK për dosjen “Partizani”. Aktualisht Berisha është nën masën “detyrim paraqitje” dhe “mos dalje jashtë vendit”.
Ai nuk u paraqit para SPAK duke dhënë argumentin e kishte imunitet.
Pas 3 mosparaqitjesh pranë SPAK, prokurorët kërkuan një masë më të ashpër ndaj Berishës, si arrest në burg, apo shtëpiak.
I pyetur nga gazetarët, ish-kryeministri ka deklaruar se do ta respektojë vendimin që kalon nga Kuvendi, pavarësisht se prokurorët i konsideron ushtarë të Ramës.
