Sot hyjnë në fuqi masat e reja të vendosura nga autoritetet greke për personat që duan të hyjnë në Greqi.
Siç ishte paralajmëruar më 10 gusht, kushdo që do të hyjë në Greqi nga dita e sotme, do të qëndrojë në karantinë për 7 ditë.
Nga e hëna, 750 persona në ditë do të kalojnë nga pika kufitare e Kakavijës, ndërsa nga ajo e Kapshticës vetëm 300 persona dhe të gjithë këta nga ora 06:00 e mëngjesit deri në 22:00 të mbrëmje.
Drejt Greqisë do të lejohen të udhëtojnë, qytetarët me shtetësi greke, personat që kanë leje qëndrimi në Greqi, personat me kartë minoritari, personat që kanë vendbanimin e tyre kryesor në Greqi, si dhe ata që e kanë të domosdoshme të udhëtojnë për arsye profesionale-pas marrjes së lejes së posaçme.
Këta persona duhet të paraqesin në kufi testin negativ të COVID-19, vërtetimin e diagnozë të përkthyer në anglisht, vërtetimin e plotësimit të formularit të posaçëm PLF, me kodin QR. /Opinion.al
