TIRANE- Sot është afati i fundit. Ekspertët e nivelit të lartë duhet të dorëzojnë pasdite draftin për reformën në drejtësi, bazuar në rekomandimet e Venecias.
Por çfarë do të ndodhë? A do të jetë një draft konsensual?
Opozita vendosi të bojkotojë dje sërish tryezën e ekspertëve. Përfaqësuesit e Partisë Demokratike nuk u paraqitën në tryezën që u rimblodh pas rreth dy orë pushimi reflektues dhe shpërndanë një njoftim për shtyp (të dielën në mesditë).
Në të thuhej se ekspertët e shumicës nuk kanë pranuar që të reflektonin rekomandimin nr 55 te Komisionit të Venecias, për të gjetur mekanizmat që do të siguronin moskapjen politike të sistemit të drejtesisë.
Sipas tyre, nuk është vlerësuar aspak, mundësia për komporimis dhe në kushtet e pamundëissë për të vijuar mbledhjen e përbashkët vendosën të mos bëhen pjesë e tyrezës.
Ndërsa ekspertet e nivelit të lartë i bënë thirrje kolegeve të opozitës t’i bashkohen tryezës, në të kundërt do ta mbyllin draftin brenda ditës së hënë.
Burime të Tv Klan thonë se debati u përqendrua më së shumti tek mënyra e zgjedhjes së antarëve të Këshillit të Lartë Gjyqesor, strukture kjo që do të zëvendesojë Këshillin e lartë të Drejtësisë.
Opozita kërkon që ata të zgjidhen me shumicë Kushtetuese prej 93 votash në parlament. Por për ekspertët e të majtës kjo shumicë është e vështirë që të arrihet në parlamentin shqiptar çka mund të krijonte ngërçe, ndaj ata propozojnë shumicë të cilësuar me 84 vota, zgjedhje që nuk pranohet nga të djathtët në këtë tryezë.
Sot pritet për tu parë nëse do të gjendet apo jo konsensusi për këtë draft kaq të rëndësishëm.
