Sot shënohet 25-vjetori i eksodit të shqiptarëve të Kosovës.
Gjatë luftës më 1998-1999, rreth 1 milion shqiptarë u detyruan nga forcat paramilitare serbe të shpërngulen në Shqipëri dhe Maqedoni.
Si çdo vit, edhe këtë 16 Prill shumë qytetarë të Kosovës u rikthyen në Kukës, për të përkujtuar eksodin e vitit 1999.
Në kujtim të atyre viteve, në qytetin e Kukësit u çel një ekspozitë, e cila përmes fokusit të fotografisë risjell në kujtesë eksodin e shqiptarëve të Kosovës.
I pranishëm në këtë ceremoni ishte edhe ambasadori i Shqipërisë në Kosovë, Petrit Malaj.
Ai e cilësoi 16 Prillin si ditën që bëri bashkë shqiptarët përtej kufijve politikë, si dhe ditën që duhet të gëzojmë për të mbijetuarit e luftës.
Qytetarët e Kosovës e përshkuan më këmbë kufirin Kosovë-Shqipëri, si dhe ngritën disa çadra, si ato në të cilat u strehuan 25 vite më parë.
