Ambasadori i Bashkimit Europian, Luigi Soreca i është përgjigjur letrës së Aleancës për Mbrojtjen e Teatrit përmes një postimi në Twitter.
Ai shprehet se përgjigjja e pyetjes mbi çështjen e Teatrit është nxjerrë nga konteksti. Soreca thekson se qëndrimi i tij është një ripërsëritje e qëndrimit të Komisionit Europian të vitit të shkuar dhe shton se është e rëndësishme që ti jepet kohë procedurave institucionale për të arritur në një vendim në respektim të ligjit.
Ambasadori i BE, shkruan se gjatë fjalës së tij shprehu mbështetjen që delegacioni i BE është duke dhënë për mbrojtjen e lirisë së shprehjes dhe se është gati të vazhdojë dialogun me artistët dhe qytetarët.
“Vërej me shqetësim se përgjigjja ime sot ndaj një gazetari për çështjen e Teatrit Kombëtar është paraqitur jashtë kontekstit. Prandaj është e nevojshme të theksoj se sot kam përsëritur qëndrimin e shtatorit të kaluar të Komisionit Evropian kur autoritetet shqiptare u ftuan për të ndjekur parimet e prokurimit publik të BE-së dhe për të siguruar qasje jodiskriminuese në treg. Unë gjithashtu deklarova sot se transparenca e procedurave është thelbësore për të siguruar konkurrencë të drejtë dhe të lirë. Unë shtova se është e nevojshme që t’i jepet kohë procedurave institucionale për të arritur një vendim për çdo mosmarrëveshje ligjore për këtë çështje, në respekt të plotë të sundimit të ligjit. Në fund përfundova duke thënë se Delegacioni i BE-së është plotësisht i angazhuar për të mbrojtur lirinë e shprehjes dhe është gati të vazhdojë dialogun me artistët dhe qytetarët e përfshirë” shkruan Ambasadori Soreca. /Opinion.al
…when the competent Albanian authorities were invited to pursue the compliance with EU public procurement principles and to ensure non-discriminatory market access. I also stated today that transparency of procedures is essential to ensure fair and free competition. I added…
— Luigi Soreca?? (@LSorecaEU) July 29, 2019
….of expression as core fundamental right and is ready to continue the dialogue with artists and citizens involved.
— Luigi Soreca?? (@LSorecaEU) July 29, 2019
