Katër përfaqësuesit kryesor të shtetit dhe të politikës do të jenë mbrëmjen e sotme përballë gazetarit Blendi Fevziu në emisionin OPINION. Presidenti I Republikes Bujar Nishani, Kryetari I Kuvendit Ilir Meta, Kryeministrin Edi Rama dhe Kryetarin I Partisë Demokratike Lulzim Basha do të keni mundësi ti ndiqni sonte në orën 21:00.
Kjo është e enjtja e fundit e vitit dhe emisioni OPINION vendosi të transmetojë një format ndryshe nga ai i zakonshmi ku në të shumtën e rasteve studio dominohet nga debati dhe aktualiteti.
Politikanët e mësipërm janë kryesisht ata të cilët kanë dorë përmes veprimeve dhe mosveprimeve të tyre ecurinë dhe zhvillimin e vendit. Por cilat kane qenë momentet më delikate apo të vështira nëpër të cilat ata kanë kaluar? Si ishte viti 2016-të për ta dhe cili do të jetë fokusi i tyre për Vitin e Ri 2017-të?
A do te jetë Ilir Meta, Presidenti i ardhshëm i vendit dhe cili do të jetë angazhimi I Presidentit Bujar Nishani pasi të lërë zyrën e tij vitin tjetër? Si ishte viti 2016-të për Kryeministrin Edi Rama politikisht por mbi të gjitha në anën e tij jashtë politikës? Rrëfimi kryetarit opozitar Lulzim Basha dhe përjetimet e tij për këtë vit që po mbyllet, sfidat qe kaloi dhe ato që e presin?
Duket nisur nga ora 21:00 në KLAN HD do të mësoni më shumë për këta katër zyrtarë të rëndësishëm të cilët do ti njihni më shumë pasi kanë vendosur të tregojnë diçka më shumë se çfare mbartin ata përtej kostumit zyrtar.
