Donald Trump hyri në botën e të pasurve duke pasur shkollën e duhur dhe duke u angazhuar në pronat e të atit të tij. Shumë mendojnë se Donaldi gjithmonë e kishte një plan në kokën e tij për të arritur këtu ku është sot. Ai shfrytëzoi të gjithë potencialin që kishte babi i tij për të krijuar të gjitha lidhjet e duhura politike të cilat do ta ndihmonin edhe në biznes.
Donald dukej se ishte gjithnjë gati për një lufte dhe sa herë që shfaqej një sfide e re ai ishte gati për të zbritur në arenën e dyluftimit. Kështu ndodhte edhe me sfidat e tij në biznes. Objektivat e tij shpejt u zhvendosen në pjesën perëndimore të Manhatanin dhe tek gradaçelat e larta. Por ai ishte rritur në Quins dhe të investoje në Manhatan ishte një sfide e madhe gjë për të cilën e kishte këshilluar edhe i ati. Në vitet 70 situata nuk dukej edhe aq optimiste pavarësisht shkëlqimit që mbizotëronte në pjesën e jashtme të New Yorkut.
Të blejw në Manhatan në vitet 70 ishte një lojë e rrezikshme, por të gjithë ata që e bënë këtë lëvizje duket se dolën shumë të fituar dhe një prej tyre ishte edhe Donald Trump.
Me guximin e tij ai doli kundër të gjithëve duke ju thënë shpesh se ju jeni gabim dhe unë kam të drejtë. Në vitin 1978 ai e bindi qytetin të ngrinte ndërtesën më të madhe konvencionale në botë. Në atë kohe ai përballej me Ed Koc, një kryebashkiak të vështirë nga natyra, të cilin duhet ta bindte. Por me vetëbesimin që kishte Donald Trump e bëri fakt të kryer ngritjen e kësaj ndërtese.
Do të ishte kjo lloj filozofie e cila do të përdorej nga ai edhe gjatë kohës që do ti futej me kokë politikes. Për Donald Trump tërheqja dhe lidhja me median ishte si oksigjeni për njerëzit e thjeshtë dhe këtë gjë ai duket se e shfrytëzoi mjaft mirë. Ne moshën 30 vjeçare ai eklipsoi të atin duke marrë në dorë frenat e perandorisë Trump. Donald nuk donte vetëm të pasuroj përmes Manhatanin, ai donte që i gjithë Manhatani të mbante emrin e tij. Transformimi i Comodor Hotel një simbol i New Yorkut u kthye në një sfidë të tij.
Edhe një herë tjetër i ati, Fred i tha se kjo është njësoj si të blesh një biletë dhe të hipësh tek Titaniku. Por Donald ishte i bindur se investimi tek ky hotel do të rivitalizonte zonën dhe do e bënte atë më tërheqëse për turistet.
Ishin vitet kur mendohet se Ivana Trump, gruaja e tij e parë i jepte besim dhe siguri për të ecur përpara. Ishte koha kur Grand Hayt do të hapte dyert e tij duke krijuar mijëra vende pune dhe duke sjellë mijëra turiste e miliona dollarë më shumë drejt New Yorkut. Por ai donte që emri i tij të stampohej me gërma të mëdha dhe plot shkëlqim dhe donte që këtë ta shihnin të gjithë në New York.
Në 1980-n filloi konvertimi i një godine ekzistuese e cila do të kthehej në gradaçelën që do të ishte kurora mes shumë të tjerave, Kulla Trump, ose e famshmja Trump Tower. Hapja e hotelit luksoz ishte një ndër netët më të famshme të New Yorkut ku të gjithë ishin të pranishëm. Një ndërtesë e cila tregon një mesazh të madh dhe demokratik, se në New York çdo gjë është e mundur. Dhe për Donaldin i cili donte të ishte pak më i madh se çdo kush tjetër, ambicia ishte e qartë. Në një interviste të 6 tetorit 1980 ai pyetet se nëse do të humbiste sot pasurinë e tij e çfarë do të bënte ai të nesërmen? Përgjigja e tij do të habiste të gjithë: Mbase do të kandidoja për president, nuk e di. Unë do të doja shume ti dedikoja jetën time këtij vendi.
Ky ishte vetëm fillimi i saj që pasoi vite më pas deri tek shpallja e tij Presidenti i 45-t i Shteteve të Bashkuara të Amerikës. Ndiqni sot live në Opinion në orën 21:00 një emision i dedikuar jetës dhe luksit të shfrenuar të Donald Trump.
