Soni Malaj tregon arsyen pse nuk e ekspozon vajzën në rrjetet sociale dhe në media

Ishte një nga të ftuarit në emisionin e pasdites së Rudina Magjistarit. Soni Malaj, nuk ka shumë ditë që ka publikuar klipin e saj më të ri, i cili deri më tani ka marrë 775 mijë klikime. Pyetur nga moderatorja nëse titulli “Pa ty”, kishte ndonjë lidhje të veçantë me dikë, Malaj e mohoi një fakt të tillë, duke zbuluar se në muajin maj ka festuar 20 vjetorin e nisjes së një karriere, të plotësuar me mbi 100 këngë. Edhe pse nuk është divorcuar ende zyrtarisht, ndarja nga Mirko nuk përbën më lajm. Duke pranuar se marrëdhënia e tyre vazhdon të mbetet shumë e mirë, tema e bisedës nuk kishte si mos të shkonte tek vajza, për të cilën Soni u shpreh se nuk ka dashur kurrë ta ekspozojë në vëmendjen mediatike. Arsyeja? Ana ka nënshtetësi italiane, e këta të fundit nuk e preferojnë përfshirjen e fëmijëve në “thashetheme” yjesh. Nuk do të na kishte shkuar mendja, apo jo? Për të vijuar më tej me jetën private, Soni deklaroi se ndihet e plotësuar dhe tejet e lumtur, e po shijon fejesën dy vjeçare.