Ekrani shqiptar është i mbushur me femra të suksesshme. Qoftë për shkak të bukurisë e linjave seksi, apo zgjuarsisë dhe aftësive të komunikimit, këto femra kanë ditur gjithmonë të tërheqin vëmendjen e publikut.
Alketa Vejsiu e ka nisur karrierën në media kur ishte vetëm 14 vjeç në Top Albania Radio, dhe që atëherë nuk e ka lënë publikun ta harrojë emrin apo zërin e saj. Sot ajo numëron disa shfaqje shumë të suksesshme të cilat i ka moderuar, si Gjeniu i Vogë, X Factor, Dance With Me, Your Face Sounds Familiar etj. Në fillimet e karrierës Alketa ka eksperimentuar edhe në muzikë, e gjithashtu numëron disa këngë dhe bashkëpunime.
Arbana Osmani gjithashtu e ka nisur karrierën në Top Albania që në moshë të vogël. Ajo rrit në ekranin e Top Channel, fillimisht si prezantuese e Select. Për 8 vite me rradhë ajo prezantoi reality show-n Big Brother, si dhe Top Fest, e Diell, 1001 Pse?, Në 1 Javë dhe Dua të të Bëj të Lumtur.
Eni Cobani është një nga figurat më popullore e më të dashura për publikun shqiptar. Ajo prej vitesh është subjekti kryesor i rubrikës Shihemi në Gjyq te E Diela Shqiptare.
Eni Vasili ka qenë pjesë e ekranit shqiptar për thuajse dy dekada. Ajo ka qenë kryeredaktore e televizionit Alsat për 5 vite, folëse në edicionin qendror të lajmeve çdo natë dhe ajo që e njeh publiku më së miri, emisioni Studio e Hapur në Neës 24.
Është e vështirë të lidhësh një vajzë me sportin, por për Ilda Bejlerin kjo nuk është sfidë, por kënaqësi. Prej vitesh Ildën e shohim çdo ditë në ekranin e SuperSport por jo vetëm. Ilda është mjaft e komentuar edhe për fotot seksi apo marrëdhëniet me meshkujt.
Ilva Tare prej disa vitesh drejton emisionin Tonight në Ora News, por karriera dhe pasioni i saj për gazetarinë ka filluar që në moshën 17 vjeçare në TVSH. Atë e kemi parë edhe në televizione të tjera si Klan apo Vizion Plus, në pozicionin e drejtorit të lajmeve dhe të folëses. Pavarësisht pozicionit, Ilva Tare nuk i ka munguar asnjëherë ekranit.
Juli Krisafi ka qenë fytyra e përnatshme e Top Channel pasi për shumë vite ka qenë folëse e edicionit informative kryesor. Që prej fillimit të këtij sezoni, Juli ka zënë vendin e Jonida Shehut, si moderator e emisionit të pasdites.
Liberta Spahiu është një tjetër moderatore mjaft e njohur në Kosovë por edhe në Shqipëri gjithashtu. Ajo ka spikatur që në moshën 15 vjeçare për bukurinë e saj, dhe ka pasur një karrierë si modele përpara se të drejtonte emisionin e saj Prive në Klan Kosova.
Dy motrat Vjollca nuk mund t’i mungonin kësaj liste. Daljet e para të tyre në televizion kanë qenë si velina të emisionit investigativ Fiks Fare. Të dyja motrat kanë qenë prezantuese në Select, dhe Top Fest. Marinën e kemi parë edhe te Procesi Sportiv ndërsa Luana njihet ndryshe si vajza e motit. Marina mbylli me sukses netët e spektaklit C’est La Vie në televizionin Klan, ndërsa Luana moderon Shiko Kush Luan në Top Channel.
Orinda Huta është një tjetër bukuroshe e ekranit e cila e ka nisur karrierën si këngëtare. Shpejt ajo e la muzikën dhe iu fut rrugës së moderimit. Orinda ka prezantuar disa emisione në Vizion Plus. Aktualisht Orindën e shohim te Lifestyle në Vizion Plus dhe në platformën Tring.
Rudina Magjistari është gazetare dhe moderatore në televizionin Klan. Ajo prej vitesh drejtoi emisionin “Takimi i Pasdites”. Pas një shkëputje për shkak të shtatzënisë ajo u rikthye në ekran me një format të ri i cili mban emrin e saj.
Nga regjia në ekran, Jonida Vokshi spikati fillimisht si imazh i kompanisë “Digitalb” e më pas edhe si moderator e emisionit kulturor “Thurje”.
Votoni ne linkun me poshte dhe ndiqni videon shoqeruese
