Partia kryesore e opozitës në Greqi, e djathta ”Demokracia e re” (ND), që zgjodhi javën e kaluar drejtuesin e ri, Qiriakos Micotaqis, kryeson ndaj të majtës SYRIZA të Aleksis Ciprasit, sipas dy sondazheve të publikura këtë fundjavë, për herë të parë që prej më pak se një viti.
Sondazhi i zhvilluar nga instituti ”Alco”, publikuar sot në të përjavshmen “Proto Thema”, kreditoi me 21,3 për qind ND kundër 18 për qind për SYRIZA-n.
Sipas një sondazhi të dytë nga “Metron Analysis” publikuar në të përditshmen “Parapolitika” ND kryeson ndaj SYRIZA-s me 23,6 për qind nga 19,9 për qind.
Që prej të paktën një viti, gjatë dështimit në zgjedhjet e janarit 2015 dhe ardhjes për herë të parë në pushtet të SYRIZA-s, parti ”Demokracia e re” (ND) humbi një pjesë të konsiderueshme të elektoratit.
SYRIZA mori në atë kohë 36,3 për qind të votave kundër 27,8 për qind për ND, një diferencë që partia e mbajti edhe gjashtë muaj më vonë gjatë zgjedhjeve legjislative që u zhvilluan në muajin shtator (35,4 për qind- 28 për qind).
