Me ardhjen e socialistëve në pushtet, në vendin tonë, ekziston një përpjekje për rikthimin e simboleve të komunizmit.
Ky është rezultati i një sondazhi në Opinion.al mbrëmjen sotme, ku më shumë se 70 përqind e shqiptarëve mendojnë se ekziston një përpjekje për rikthimin e simboleve të komunizmit në Shqipëri.
Mbi 22 përqind e atyre që kanë votuar në sondazh, mendojnë se nuk ekziston një përpjekje e tillë dhe pothuajse 5 përqind e tyre nuk janë në dijeni të kësaj tendence.
Veteranët dhe përfaqësuesit e Partisë Komuniste i kemi parë me foton e diktatorit Enver Hoxha në festa si ajo e Çlirimit, madje edhe gjatë ceremonisë së homazheve në Varrezat e Dëshmorëve, një traditë të cilën e kanë ndjekur edhe në festën e Pezës.
Të pranishëm në ceremoninë e organizuar në Pezë, me rastin e 75-vjetorit të Konferencës së Pezës, ata janë shfaqur sërish me foton e diktatorit të pashqetësuar, ndonëse në në ceremoni ka pasur përfaqësues të ekzekutivit, deputetë e drejtues të pushtetit vendor.
Nostalgjikë për të shkuarën, veteranët kanë vendosur ta “sjellin” sërish Enver Hoxhën në Pezë, ndërsa ia kanë lënë në dorë disa fëmijëve.
