Si e parashikoni ndeshjen Shqipëri-Zvicër?
58.92 për qind e lexuesve i janë përgjigjur me fitore sondazhit të Opinion.al.
Ndërsa, 27.18 për qind kanë votuar për barazim dhe vetëm 13,9 për qind kanë votuar se Shqipëria do të humbasë përballë Zvicres.
SHORTI
Shorti për grupet e Euro 2016 caktoi Shqipërinë në Grupin A bashkë me Francën, Rumaninë dhe Zvicrën.
Ndeshja e parë hapëse e Kampionatit Evropian do të jetë Francë-Rumani, e cila do të luhet më 10 qershor në “Stade de France” në orën 21:00.
Ndërsa ndeshja Shqipëri-Zvicër do të jetë ndeshja e tretë e Euro 2016. Takimi do të luhet më 11 qershor në orën 15:00 në Lens me një stadium me kapacitet 35 mijë spektatorë.
Ndeshja e dytë për Shqipërinë do të jetë ajo ndaj Francës, e cila do të luhet më 15 qershor në Marsejë në orën 21:00. Kurse Zvicra do të luajë me Rumaninë po në të njëjtën ditë në orën 18:00 në Paris.
Kurse ndeshjen e fundit në grup, Shqipëria do ta ketë ndaj Rumanisë dhe do të luhet në Lion më 19 qershor në orën 21:00, ku në të njëjtën orë do të luhet dhe Francë-Zvicër.
