A mund ta zëvendësojnë deputetët e rinj, opozitën në parlament? Kjo ishte pyetja e sondazhit që emisioni Opinion zhvilloi këtë të martë.
Për 1 orë mbi 6200 qytetarë kanë votuar. Sipas rezultatit 2300 votues mendojnë se deputetët e rinj mund të zëvendësojnë opozitën, ndërsa 4 mijë të tjerë mendojnë se opozita nuk mund të zëvendësohet.
4 deputetë të rinj, nga listat e LSI u betuan këtë të martë në Kuvend: Ylli Shehu, Enver Roshi, Aurora Mara dhe Edmond Rrushi; dhe numri i deputetëve me mandat të plotë në Parlament shkon në 86, duke mundësuar kështu edhe miratimin e ligjeve me shumicë të cilësuar, që kërkojnë 84 vota, nëse palët do të bien dakord. 6 kandidatë të tjerë kanë depozituar formularët e dekriminalizimit pranë KQZ, duke shprehur vullnetin për ta pranuar mandatin. Bëhet fjalë për:
Ediola Braha, LSI Gjirokastër
Elda Hoti, LSI Lezhë
Edlira Hyseni, LSI Durrës
Ligoraq Karamelo, PD Korçë.
Majlinda Halilaj PD Tiranë, e cila pasi kishte firmosur fillimisht refuzimin ndryshoi mendjen dhe do ta pranojë mandatin. Ndërsa të hënën ishte Lefter Maliqi që shprehu gjithashtu vullnetin për të pranuar mandatin e deputetit./ Opinion.al
